Nagpabutyag ang Punong Barangay sang Brgy. Villamonte nga luyag pa sini magpasakop sa masunod nga electric masskara para sa Masskara 2027 kun sila ang pahanugutan pa sang ciudad.
Sa interview sang Bombo Radyo Bacolod kay Punong Barangay Rommel Flores, ginpahayag sini nga kun ang Villamonte mahatagan pa sang kahigayunan nga maka-intra sa nasambit nga kompetisyon, sila ang mangin responsable na.
Suno diri, may mga sirkumstansya nga indi gid malikawan kag kun kaisa mapaslawan nga malab-ot.
Isa man sa rason nga iya ginhinambit amo ang alignment sang ciudad, organizers, kag barangay.
Ginpaathag man niya nga accounted ang kada sentimos sa pondo nga gin-alokar para sa float kag ang nabilin sa budget nga wala nagamit ang iga-turn-over sa ciudad.
Suno diri, wala gintago ang budget kag ini ang gin-release gid para sa float.
Ginpahayag nga nabakal na ang tanan nga materyales nga kinahanglan sa pag-ubra apang sila ang nakulangan gid sa oras kag preparasyon.
Ang barangay Villamonte ang natalana man nga magpaathag sa city government kun ngaa wala nagamit ang kabug-usan sang pondo.
Suno kay Flores, ang mga materyales nga nabakal ang ginhimos sa barangay hall para sa future purposes kag ginpasiguro nga indi ini mauyang.
Ginpanindugan ni Kap nga wala bisan isa ka sentimo ang nagkadto sa iya kag ginpahayag nga indi mabakal sang kwarta ang dignidad sang isa ka tawo.
