13 ka sachet sang suspected shabu, narecover sa gin-abandonar nga naaksidente nga motorsiklo sa Brgy 1., Bacolod City

Narecover ang 13 ka sachet sang suspected shabu sa naaksidente nga motorsiklo nga gin-abandonar sang driver sa Prk Ylac, Brgy 1, Bacolod City.

Nabatun sang Bacolod Police Station 2 ang report tuhoy sa aksidente alas-2:34 kahapon sang hapon.

Sa pag-abot sang kapulisan, wala na ang driver samtang ginbiyaan sini ang white and black Honda Click motorcycle nga wala sang plaka.

Gin-impound naman sa police station ang motorsiklo, apang sang magpatigayon sang verification sang mga dokumento, natukiban sa storage compartment sa idalom sang pulungkuan ang 13 ka sachet sang suspected shabu nga may standard drug price nga P91,800.