Padayun pa nga ginatumod kun sin-o ang tag-iya sang motorsiklo nga gin-abandonar matapos maaksidente sa Prk Ylac, Brgy 1, Bacolod City, kag nakuhaan sang 13 ka sachet sang suspected shabu.
Ang aksidente ang natabo sang Oktubre 21 kapin alas-2:00 sang hapon.
Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 2, wala sang plate number ang motorsiklo gani gintsekyar sang traffic investigator ang compartment ukon u-box kun may-ara sang IDs ukon papelis sang motorsiklo agud matumod ang tag-iya.
Apang wala ini sang nakita nga identification, sa baylo, narecover diri ang 13 ka sachet sang suspected shabu nga ginabanta nagabalor sang P91,800.
Ang mga narecover ang ginturn-over na sa crime laboratory.
Aminado si Tapang nga indi mapasakaan sang kaso ang tag-iya angot sa illegal nga droga bangod santo sa procedure sa filing sang kaso sa illegal nga droga, ini ang dapat narecover sa possession sang suspect.
