Naglunsyar sang sunod-sunod nga ballistic missiles ang Russia sa Kyiv kahapon samtang nag-report man ang Russia nga sila ang naka-intercept sang masobra sa 800 ka mga drones naggikan sa Ukraine padulong sa moscow kag pila ka mga ciudad.
Patay ang indi magnubo sa apat ka indibidwal sa Ukraine samtang madamo man ang pilason sa bilog nga gab-i nga pagpang-atake sang Russia pila lamang ka oras matapos nag-agree si Russian President Vladimir Putin nga ibalik ang three-way negotiations sa tunga sang Russia, Ukraine, kag Estados Unidos.
Ginpahayag ni Ukrainian President Volodymyr Zelenskyy nga wala nagahimo sang tikang ang Russia nga nagapakita nga luyag gid sini untaton ang gyera.
Madumduman nga nagtugut si Putin para sa bag-o nga negosasyon kasunod sang pakighinun-anon kay Steve Witkoff, envoy ni U.S. President Donald Trump nga nakigkita man kay Zelenskyy sa Norway.
Ang pag-istoryahanay sang tatlo ka pungsod ang natalana kuntani sini nga Nobyembre apang wala pa sang eksakto nga petsa.
