Nag-atubangay sa una nga kahigayunan ang Filipino tennis star kag World No. 20 nga si Alex Eala kag Russian star Diana Shnaider sa round of 16 sang WTA 500 Ningbo Open, kahapon, Oktubre 22.
Sa una pa lamang nga set sang hampang, bulos-bulos ang pagbaylohanay sang puntos kag sila ang nagpakita sang maayo nga match.
Apang sa ulihi nga bahin sang first set, nakuha ni Shnaider ang momentum kag una nga nakuha ang extended set 1 sa score nga 7-5.
Naka-abanse pa si Eala sa ikaduha nga set apang gilayon naman ginbawi ni Shnaider tubtob nga makakuha ini sang matchpoints.
Gintinguhaan pa ni Eala nga makalaot sa pito ka matchpoints apang ginselyuhan sang Russian star ang kadalag-an paagi sa service ace sa score nga 6-4.
Si Eala ang napaslawan nga makapadayon sa round of 8 sang torneo.
Natalana nga magahampang ang Filipina star sa Toray Pan Pacific Open sa Japan, nga patigayunon sa Oktubre 26 tubtob Nobyembre 1.
