Launching sang taytay sa China nga magakonekta sa North Korea, gintambungan ni North Korean leader Kim Jong Un

Nagbisita si North Korean leader Kim Jong Un sa China sang Sabado, sa paglunsyar sang bag-o nga taytay nga nagakonekta sa duha ka pungsod kag nagpromisa sang pagpasanyog sang kooperasyon sa China.

Ang pagbisita ni Kim Jong Un amo ang iya pinakabag-o nga tikang sa pagpabaskog sang relasyon sang North Korea sa Beijing kag Moscow bilang isa ka grupo batok sa Estados Unidos nga iya gintawag “new Cold War”.

Ini ang una niya nga pagbisita sa China sini nga tuig.

Nag-abot si Kim Jong Un sa Chinese border city sang Dandong matapos magtabok sa bag-o nga ginbuksan nga taytay, santo sa South Korea Unification Ministry.