Ginpanginwala ni Sofia Andres ang mga pahayag nga nagapamatok siya sa relasyon nanday Ella Pangilinan kag Enrique Miranda.
Ginsabat ni Sofia ang issue paagi sa isa ka Instagram story kasunod sang pag-share sang news item nga naga-alegar nga indi siya boto sa relasyon sang duha.
Suno sa iya, wala niya ginakabig nga kompetisyon ang pamilya.
Pahayag niya, wala nagakahulugan nga ginakontra niya ang iban sa tagsa nga ginapakigbato niya ang iya pamilya.
Si Sofia ang nobya sang race car driver nga si Daniel Miranda samtang ginkasal naman si Ella kay Enrique nga utod ni Daniel.
Kasunod sini, nagpanawagan siya sa publiko nga untatan ang pagkumparar sa mga kababainhan kag sa tagsa nila ka relasyon kag pamilya.
Sanday Sofia kag Daniel ang una nga nagkitaay sang 2017 kag gin-welcome ang ila anak nga si Zoe sang Nobyembre 2019.
