Rica Peralejo, ginakonsiderar ang pagbiya sa Pilipinas bangod dismayado sa nakita nga ‘unfair treatment’ sa mga Pilipino

Ginakonsiderar sang actress nga si Rica Peralejo nga maghalin sa Pilipinas bangud sa pagkadismaya sang ginapahayag ‘unfair treatment’ sa mga Pilipino nga nagatinguha nga magpangabuhi sang insakto.

Sa social media post ni Rica, aminado siya nga ginapaminsar niya magpuyo nalang sa luwas sang pungsod bangud tuman siya nga nasakitan sa nga injustices sa sistema sa subong sa Pilipinas.

Ginpasalamatan man sini ang mga Pilipino nga nagdesisyon nga maghalin sa Pilipinas bangud mas madamo sang oportinidad sa luwas sang pungsod.

Suno sa actress, wala sang bisan sin-o ang deserve nga mangabuhi sa idalom sang sistema nga wala sang hustisya.

Sa karun, wala pa sang dugang nga detalye si Rica nahanugod sa petsa sa iya plano nga paghalin sa Pilipinas.