Ginatugyan ni Bacolod City Mayor Greg Gasataya sa School Principal ang desisiyon sa pagsuspende sang face-to-face classes bangud sa mataas nga heat index.
Nagdangat sa 41 degrees Celsius ang forecasted Heat Index sa ciudad sang Bacolod rason nga nagsuspender sang face-to-face classes ang pila ka mga eskwelahan sa ciudad, subong nga Nobyembre 3.
Ini santo sa DepEd Memorandum No. 064, Series of 2026.
Ini ginlakipan sang Bacolod City National High School, Barangay Singcang Airport National High School, Luis Hervias National High School, Domingo Lacson National High School kag Negros Occidental High School, nga magashift sa Alternative Delivery Modes.
Suno sa Akalde, nakadepende na sa evaluation sang Schools Division Office ukon school principal kun sila ang magasuspende sang face-to-face classes.
Ini bangud may pila ka mga classroom ang mabugnaw ilabi na ang mga private school nga may yara sang air-conditioning.
Ginpahayag sini nga kadam-an sa mga pampubliko nga mga eskwelahan ang nagsuspende sang face-to-face classes subong nga adlaw.
Sa pagtsekyar sang Bombo News Team sa Bacolod City National High School kaina pasado alas-6:30 sang aga, may ara na sang mga estudyante apang sarado ang gate.
Sa interview sang Bombo Radyo Bacolod kay Wella Jane Magbanua, Grade 10 student, napahibalo sa ila group chat nga kanselado ang face to face classes alas-5:30 sang aga.
Apisar nga nakahibalo nga wala sang klase, nagpadulong ini sa eskwelahan bangod sila kuntani ang may deployment sa Philippine Red Cross para sa opening sang cluster meet apang ini ang gincancel man.
Suno kay Magbanua, magapauli na lamang ini kag magahulat sa isend sa ila GC nga activities nga amo ang ila sabtun bilang Alternative Mode of Learning.
