Ginbawian sang kabuhi ang 16 ka mga indibidwal samtang 13 ka iban pa ang pilason kasunod sang mabaskog nga paglupok nga nagtuga sang daku nga sunog sa isa ka planta sang steel kag asero sa nakatundan nga bahin sang Turkey kahapon sang Lunes.
Ginkumpirmar ni Turkey President Recep Tayyip Erdogan ang death toll kasubong man ang mga nasamaran.
Suno diri, ang duha ang yara sa kritikal nga kondisyon.
Ginpahayag ni Erdogan nga gin-umpisahan na ang imbestigasyon natuhoy sa insidente, lakip ang posible nga kapabayaan kag kun sin-o ang dapat manabat.
Suno kay Izmir Provincial Governor Suleyman Elban, nagluntad ang paglupok sang nahulog ang crane sa furnace samtang gina-islan ang boiler.
Suno pa diri, masobra 200 ka mga trabahante ang yara malapit sa lugar sang natabo ang insidente.
