Patay ang isa ka businessman matapos gintiro samtang nagamaneho sang canter truck sa bahin sang Provincial Road, Hacienda San Benito, Barangay Crossing Magallon, Moises Padilla alas-3:33 kaina sang kaagahon.
Ginkilala ang biktima nga si Reynaldo Disoy, 50-anyos, kasado nga residente sang Brgy San Agustin, Isabela.
Sa inisyal imbestigasyon, nahibaluan nga nagamaneho sang truck ang biktima halin sa Barangay San Agustin padulong sa proper sang Moises Padilla kaupod si Arsenio Mayordo, legal ang edad kag kasado.
Sila ang magabakal kuntani sang kasapatan.
Hinali na lamang sila nga gintiro sang wala pa makilal-an nga suspect nga nakamotorsiklo.
Gilayon naman nga nagpalagyo ang suspect matapos ang krimen.
Naigo sang bala si Disoy sa nawala niya nga tiil.
Ginhingagaw pa ini dala sa ospital apang gindeklaarar nga dead on arrival.
Sa karun, nagpatigayon sang hot pursuit operation ang Moises Padilla Municipal Police Station sa pagdakop sang supect.
