Kapin P5.4 million nga balor sang suspected shabu ang narecover sa 44-anyos nga ginakabig nga High Value Individual sa buy-bust operation sa Purok Mapalaron, Brgy. 22, Bacolod City alas-9:17 sang Biyernes sang gab-i.
Ginkilala ang subject person nga si alyas “Tommy”, lalaki, single, room boy sa isa ka Pension House sa Juan Luna Street, Brgy. 2, Bais City, Negros Oriental kag temporaryo nga naga-istar sa Rizal- Lacson St., Brgy. 22, Bacolod City.
Narecover ang 800 grams sang suspected shabu nga may standard drig price nga P5,440,000.
Ang operasyon ang ginpatigayon sang Police Station 1, sa bulig sang City Drug Enforcement Unit sang BCPO.
Si alyas “Tommy” ang magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
