Ginapatihan nga nalumos ang 34 anyos nga lalaki nga nasapwan nga naga-utaw utaw sa dagat nga sakop sang Brgy Culipapa, Hinobaan alas-10:00 kagab-i.
Ang biktima ang ginkilala nga si Alyas Ernesto, single, residente sang Prk 6, sa nasambit man nga Barangay.
Ang bangkay ang matig-a na sang masapwan sa bahin sang dagat nga may kadalumon nga pito ka metros, kag kapin 70 metros gikan sa baybayon.
Ang biktima ang nasapwan ni Cerelo Sechico, residente sang Prk 7, sa amo man nga Barangay, samtang ini ang nagapangbaslay sang isda ukon spearfishing sa nasambit nga area.
Sang makita ang bangkay, gilayon man sini nga ginreport sa Barangay, kag siya ang ginbuligan sang mga Barangay personnel nga madala sa takas ang biktima.
Sa inisyal nga imbestigasyon, ang biktima ang ulihi nakit-an kapin alas-8:00 sang gab-i sang Nobyembre 15, sa isa ka haya sa Prk 1, Brgy Culipapa.
Ginapatigayon nga nalumos ang biktima, apang ginahulat pa ang resulta sang medico legal examination agud matumod gid ang matuod nga rasun sang kamatayon sang biktima.












