Application process sa medical kag burial assistance sa Bacolod City, idigitalize na
-- ADVERTISEMENT --

Iga-digitalize na sang Bacolod Local Government Unit ang application process sa medical kag burial assistance sa idalom sang padayon nga Digitalization program ni Mayor Greg Gasataya.

Suno kay Bacolod City Administrator Atty Mark Steven Mayo, sadto kinahangalan gid personal nga magkadto ang client sa city givernment agud magpa-veify kun eligible siya nga mag-ukon indi.

Samtang paagi sa sini nga system, pwede na maka-access online sa application process kag diri mabal-an kun eligible ukon indi ang isa ka client.

Suno kay Atty Mayo, isa sa rason kun ngaa indi eligible ang isa ka client kun may pending nga application.

Ini bangud may yara sang 3 months restriction kun sa diin ang mga nakaclaim sang assistance ang indi na maka-apply antes matapos ang tatlo ka bulan.

-- ADVERTISEMENT --

Kun maverify na online, diretso na pasa sang papelis sa BCGC.

Sa mga wala sang access online, pwede man suno kay Atty mayo maka walk in kag mag log in sa eletric kiosk sa BCGC kag indi na personal nga mag-atubang sa mga staff.

Matapos sini, sila ang hatagan sang queuing number kag diretso na mapasa sang requirements.

Ginpaathag sini nga isa ini ka pamaagi agud mapadasig ang application process para sa medical kag burial assistance.