Nangin peaceful ang ginpatigayon nga rally sang pila ka mga sector sa Bacolod City kadungan sang ginpatigayon nga A Trillion Peso March kahapon.
Sa interview sang Bombo Radyo Bacolod kay Police Lt Col. Joery Puerto, pinuno sang Traffic Management Unit sang Bacolod City Police Office, nangin matawhay ang ginpatigayon nga rally bangud humalin sang pagsugod tubtob matapos ang aktibidad wala sang narecord nga mga insidente.
Suno kay Puerto, indi man tuman ang pagbug-at sang dalagan sang trapiko bangud nga pila man ka semana nga ginpreparahan kag naplastar ang routa nga agyan sang mga salakyan bangud patigayunon nga peaceful rally.
Ang mga nag-upod sa rally ang nagsunod man sa mga ginapatuman nga rules sang ila nga mga grupo.
Dugang pa sini nga ang mga group leaders na mismo ang nagpahayag nga sila na mismo ang maplastar sang ila mga grupo sa tion sang rally.
Madamo sang mga kapulisan nga gindeploy kag on standby para sa pagbantay sang seguridad sang mga nag-rally.
Ginpasalamatan ni Puerto ang tanan nga nangin kabahin sang rally nga natapos sang malinong kag matawhay ang event.
