Ginapasalamatan ni Abang Lingkod Partylist Representative Joseph Stephen Paduano ang pagsalig nga ginhatag sa iya agud mangin caretaker sang 3rd Legislative District sang Negros Occidental.
Ini kasunod sang pag-appoint kay 3rd District Representative Francisco ‘Kiko’ Benitez bilang bag-o nga Director-General sang Technical Education And Skills Development Authority (TESDA).
Sa interview sang Bombo Radyo Bacolod kay Paduano, ginapasalamatan sini ang pagsalig ni Congressman Kiko, nga mismo nagrequest nga siya ang magdumala sa 3rd District, kasubong man kay House Speaker Martin Romualdez nga nagsalig sa iya ikasarang.
Pasalig naman sini sa mga staff ni Benitez kag iban pa nga staff sa 3rd District nga sila ang indi ma-ilisan.
Makighinun-anon paman ini kay Congressman Kiko.
Pasalig ni Paduano nga padayunon sini ang mga naumpisahan nga proyekto kag mga derektiba ni Benitez, kag ipadayun man ang natalana nga mga plano.
Samtang tun-an man sini ang mga legislative policies kag hagna nga ginfile ni Benitez sa Kamara, agud ini ang padayun nga masuportahan.
Suno kay Paduano, indi na ini mahimo makapapili sa partylist ukon district congressman sa masunod nga eleksyon bangod siya ang 11 ka tuig na sa Kamara.
Gani wala sa plano sini ang magpapili bilang 3rd District Represtative sa 2025 Midterm Electionsa.
Apang suportado sini kun si Victorias City Mayor Javi Benitez ang magapungko bilang 3rd District Congressman bangod ini ang competent leader kag madamo naman sang hinimuan sa una nga termino bilang alkalde.
