Gin-athag sang hepe sang Valladolid Municipal Police Station nga wala sang abduction nga natabo sa banwa sang Valladolid, Negros Occidental.
Sa interview sang Bombo Radyo Bacolod kay Police Major Eric Doronilla, Chief of Police sang Valladolid Municipal Police Station, nakabaton siya sang impormasyon nga may yara sang gina-alegar nga natabo nga abduction sa nasambit nga banwa.
Suno kay Doronilla, ginpakadtuan niya gilayon sa imbestigador sang Valladolid Municipal Police Station agud nga mavalidate ang impormasyon.
Suno diri ginpareview man ang mga CCTV footages sa lugar apang indi makita ang ginalaragway nga salakyan nga gin-alegar sang babayi nga Grade 6 pupil.
Nagpamangkot man ang mga kapulisan sa tawo sa palibot kag nakumpirmar nga wala sang natabo nga abduction.
Gindala man sang katapo sang Valladolid Municipal Police Station ang bata sa estasyon agud nga mapamangkot sang Womens and Childrens Protection Desk personnel.
Suno sa hepe, indi man matuod ang gina-alegar nga abduction sa bata bangud mismo ini ang nagtuad nga naghimo-himo lamang ini sang estorya bangud may problema ini.
Ginpasiguro man sang hepe nga hilway ang banwa sang Valladolid, Negros Occidental.
