Ginakwestyon sang abogado ang rasun sa pagkwestyon ni Atty Ferdinand Topacio sa reward money nga ginatanyag sa makatudlo sa iya kliyente nga si Kingdom of Jesus Christ founder Pastor Apollo Quiboloy.
Nahibaluan nga ginakwestyon ni Topacio ang gindagdag nga P10 million nga reward sa panindugan nga ini ang mas dako pa kun ipaanggid sa mga manugpatay kag terorista.
Sa interview sang Bombo Radyo Bacolod kay Atty Jomax Ortiz, nga ang una nga dapat kwestyonon amo si Topacio bangod bilang abogado kuntani ini ang magtugyan sa iya kliyente nga magsunod sa layi kag magsurrender.
Sa baylo ini pa ang nagabulig sa pagpanago sang Pastor kag kaangay kay former President Rodrigo Duterte, nagapati si Ortiz nga nakahibalo gid si Topacio kun diin nagapanago si Quiboloy.
Pahanumdom ni Ortiz nga wala sang rasun nga pamatukan ni Topacio ang pagserbe sang warrant of arrest bangod ini ang legal man nga ginapatigayon kun matuod nga luyag sini sang hustisya.
Dugang pa sini nga wala man sang layi nga nagadumili sa pribado nga indibidwal nga mag-offer sang kwarta agud madugang sa reward sa pag-aresto sa ginapangita sang layi, nga mahimo ginpatigayon sang mga kontra sang Pastor.
Magluwas diri, wala man ginadumilian ang paggamit sang public fund agud gamiton bilang reward, inkaso nga ang budget ang gikan sa kaban sang gobyerno.
Paathag sang abogado nga ang reward ang ginadagdag depende sa estado sang ginalagas sang layi bangod kun makita nga indi mapasungka sa una nga kantidad ini ang sarang ginmapasakaan agud mahaylo ang mga tawo sa palibot sini nga magtudlo.
Isa sa target sang reward, amo ang mga miyembro sang simbahan sang pastor nga nagapakilala nga ‘Anointed Son of God’.
