Ginalantaw sang human rights lawyer sa ciudad sang Bacolod nga ginpreparahan na sang legal counsel ni Senator Jinggoy Estrada ang pangatubangon sini nga kaso nga plunder nga ginpasaka sang Office of the Ombudsman batok sa iya sa Sandiganbayan.
Sa interview sang Bombo Radyo Bacolod kay Atty Cesar Beloria, ang kampo ni Estrada ang nagpangaman na.
Suno kay Beloria, ang kaso nga ginpasaka sang Office of the Ombudsman ang gin-raffle kun sa diin ang kaso nga paglapas sa RA 3019 ukon Anti-Graft and Corrupt Practices Act Section 3 Paragraph ang nagtupa sa Second Division sang Sandiganbayan kag gilayon nga nakagwa ang warrant of arrest, samtang gilayon man nga nagpyansa sang P90,000 si Estrada.
Suno kay Beloria, wala pa magwa ang warrant of arrest sa kaso nga plunder kag malversation of public funds nga dungan man nga ginpasaka sang Office of the Ombudsman.
Ang kaso nga plunder kag malversation of public funds ang yara nagtupa sa 5th Division sang Sandiganbayan.
Suno sa abugado ginalantaw nga mahimo nga ginanegosyar pa sang legal counsel sang senador ang Sandiganbayan nga mapanubuan ang kaso bangud ang kaso nga plunder ang wala sang piyansa.
Suno diri, bisan pa nga ang nasambit nga kaso ang wala sang piyansa ang kampo ni Estrada ang mahimo sagihapon nga mag-file sang petition agud nga i-challenge ang strength of evidence of guilt.
Samtang ang hospital arrange ang indi man automatic ginapasugtan bangud depende man sa ginapakita nga mga dokyumento kun makumbinser ang korte kag kun mapasugtan indi man ini mientras nagakabuhi ang akusado ang magapabilin sa hospital arrests.
