Gindeklarar ni President Ferdinand “Bongbong” Marcos Jr. ang Abril 1 bilang isa ka regular holiday para sa observance sang Eid’l Fitr ukon ang katapusan sang Ramadan.
Suno sa Proclamation No. 839, ginrekomendar sang National Commission on Muslim Filipinos (NCMF) ang deklarasyon sang petsa bilang isa ka national holiday.
Santo sa proclamation, agud madala ang religious kag cultural significance sang Eid’l Fitr sa mga Filipino kag mapahanugutan ang bilog nga nasyon nga makigbahin sa mga Muslim brothers kag sisters sa kalinong kag harmony sa observance kag selebrasyon sang Eid’l Fitr, nagakadapat lamang nga ideklarar ang Abril 1, 2025, Martes, bilang isa ka regular holiday sa bilog nga pungsod.
Ang Eid’l Fitr ang isa sa duha ka pinaka-importante nga Islamic celebrations.
Ini ang gina-obserbar sang Muslim community tatlo ka adlaw matapos ang isa ka bulan nga Ramadan fasting.
