Ginalantaw nga mabudlay ang desisyon nga ginatindogan sang Pilipnas nga wala nagpahanugot nga pasudlon ang International Criminal Court (ICC) sa pungsod angot sa mga pagpatay nga natabo bilang resulta sang anti-drugs war sa termino ni former President Rodrigo Duterte.
Sa interview sang Bombo Radyo kay Atty Jomax Ortiz, ang ini nga desisyon ang mabudlay indi lamang para kay President Ferdinand Marcos Jr. kasubong man sa kabug-osan nga Pilipinas.
Ginkwestyon sini kun mahimo nga ma-aresto ang pagsulod sang imbestigador sang ICC santo sa pahayag sang mga government officials nga wala sang kaangtanan ang ICC sa pungsod Pilipinas.
Suno kay Ortiz, nangin miyembro sang ICC ang Pilipinas apang sa tion nga magapatigayon ini sang imbestigasyon pungsod, nag-withdraw na ang Pilipinas nga suno diri nagapakita nga nagapalagyo ang pungsod sa imbestigasyon.
Pahayag sini, nga ang imbestigaran sang ICC amo ang krimen antes sang withdrawal, kun sa diin antes nagpungko si Marcos bilang presidente may yara na sang imbestigasyon nga natabo.
Iya man ginklaro nga may yara sang jurisdiction ang ICC kay Duterte apisar sa pag-withdraw sang pungsod.
Sa karun, palamangkutanon para kay Ortiz kun ano ang madason nga matabo sa pagsulod sang imbestigador sang ICC sa pungsod ilabi na kun ini ang indi aprubahan ni Presidente Marcos.
