Ginpatpat ni Atty. Jomax Ortiz ang mga rason sang pagnubo sang trust rating nanday President Ferdinand Bongbong Marcos Jr kag Vice President Sara Duterte sa survey sang Social Weather Stations ukon (SWS).
Sa interview sang Bombo Radyo kay Ortiz, ang rason sang pagnubo sang trust rating kay Marcos amo ang nahanungod sa pagpasalig sini nga maganubo sa P20 ang presyo sang kilo sang bugas, apang suno kay Ortiz bangod sa Market forces indi malab-ot nga magnubo ang presyo sang bugas.
Samtang sa bahin naman sang bise presidente, ang pagnubo sang trust rate kay Duterte ang bangod sa intellligence kag confidential fund.
Suno kay Ortiz, pahayag ni Duterte nga luyag sini nga tapna-on ang korapsyon apang palamangkotanon kun ngaa madako ang ginapangayo nga pondo.
Kwestyon ni Ortiz, paano sini mapasalig ang mga pumuluyo nga indi sini paggamiton sa presidential election ang kwarta nga sa pagpati ni Ortiz, si Duterte may plano nga magpadalagan sa masunod nga eleksyon para sa posisyon nga mangin presidente sang Pilipinas samtang si congressman Sandro Marcos naman ang mapadalagan para mangin bise presidente.
