Nagpauli halin sa Israel ang abyan ni Leah Mosquera para sa lubong sini kahapon.
Sa interview sang Bombo Radyo kay Melanie Fuerte, magka-upod sila ni Mosquera sa isa lang ka apartment kag magakatupad lang ang kwarto nila nga duha.
Suno diri, nagapabilin nga malipayon si Mosquera bisan nagapadayon ang giyera sa Israel.
Nagplano na sila kuntani para sa birthday ni Mosquera sang Hulyo 29.
Suno kay Fuerte sang na-igo sang missile ang ila apartment kun sa diin ilabi nga naigoan ang kilid sang kwarto ni Mosquera.
Bangod sa impact may sunog nga nagluntad kag ginbululigan nila nga mag abyan nga mapalong ang kalayo sa lawas ni Mosquera.
Pahayag ni Fuerte nga nagapanugid si Mosquera nga nakapoy na gid man ini magtrabaho.
Bangod nga madugay na sila nga mag-abyan, nagpauli ini halin sa Israel agud makatambong sa lubong ni Mosquera.
