Kaso nga murder ang ginaatubang sang force multiplier sang Barangay Granada nga si Constantino Canoy alyas JR angot sa kamatayon ni Police Corporal Nestor Madelo.
Sa ulihi nga imbestigasyon, naggwa sa resulta sang post mortem examination nga indi tuga sang armas luthang ang pilas sang biktima kundi tuga sang glass instrument kag trauma nagikan sa head injury ang gintunaan sang kamatayon sini.
Apisar sina ginpahayag ni P/Capt Ryan Villasario, hepe sang Hinigaran Municipal Police Station nga ginalantaw sang mga ini nga hungod nga ginbunggo ni Canoy ang carry nga iya nga ginadala, kun sa diin ang patal lang nga damage sa salakyan ang yara sa passenger seat kun sa diin gina-alegar nakapungko ang pulis.
Dugang pa nga imbes dal-on sa ospital, gindala pa sang suspetsado ang lawas ni Madelo sa Hinigaran kag didto ginhal-id, gani ginalantaw sang mag ini nga hungod ang ginhimo nga pagpatay.
Sa karun, ginahulat nalang sang mga kapulisan ang resolusyon sang prosecutor kun batunon ang ginfile nila nga kaso ukon ini ang panubuan.
