ACCESS, dapat usisaon sang gobyerno ang gina-alegar pagpanag-iya sang China sa 40 percent sang shares sang NGCP

Ginpanindugan sang Presidente sang Alliance of Concerned Consumers in Electricity and Social Services (ACCESS) nga dapat ma-usisa sang gobyerno ang gina-alegar pagpanag-iya sang China sa 40 percent sang shares sang National Grid Corporation of the Philippines (NGCP).

Sa interview sang Bombo Radyo Bacolod kay ACCESS President Wennie Sancho, ang Supervisory Control and Data Acquisition (SCADA) System kag iban pa nga vital operations sang NGCP ang ginakontrolar sang Chinese Engineers.

Nagapati ini nga sarang nila nga ma-operar ang NGCP bisan yara sa luwas sang pungsod, nga dako nga risgo para sa Pilipinas inkaso maglala pa ang tensyon sa West Philippine Sea.