Mabudlay na ang access sa pagkaon sang mga pumuluyo nga nabilin sa capital sang Ukraine duha ka adlaw matapos magsugod ang Russian invasion.
Suno kay Bombo correspondent Joy Fernandez Tolentino, nagpadulong sa village ang iban nga mga residente sa Kyiv bangud tuman kahinay ang dalagan sang salakyan sang mga naga-exodus sa ciudad.
May kilala naman si Tolentino nga nabilin sa Kyiv kag ila ginpahayag nga nagapanaog lang ang mga ini sa basement kun may maglupok.
Sa karon, mabudlay na ang access sa pagkaon sa Kyiv bangud delikado maggwa agud nga magbakal.
Suno kay Tolentino, nagainagaway ang mga pumuluyo sang pagkaon kag ang iban ang nagapanakit na agud lang nga makakuha sang pagkaon.
Wala naman sang problema sa supply sang kuryente kag tubig kag internet connection gani may yara pa sang communication sa mga kakilala.
Nag-abiso naman ang gobyerno ang Ukraine sa mga pumuluyo nga magpabilin sa hilway nga lugar kag indi na maggwa.
Bangud may curfew hours nga ginapatuman, lights off na ang mga pamalay alas-9:00 sa gab-i.
Ginpaarmasan naman sang gobyerno ang mga lalaki nga 18 anyos pasaka bilang pagbululigay nga mabatuan ang pwersa sang Russia.
