Ginpresentar sang alkalde ang mga accomplishments sini sa iya una nga tuig nga pagpungko paagisaHEART+MORE governance agenda, sa tion sang iya nga State of the City Address (SOCA) nga ginpatigayon sa lobby sang Bacolod City Government Center kahapon, July 8, 2026.
Ginhighlight sang alkalde ang achievements sang ciudad sa Health, Education, Environment and Economic Growth, Accessibility to Basic Services, Resilience kag Responsive Governance, kag Tourism and Sports, samtang liwat ginpasalig ang commitment sang administrasyon sa inclusive, transparent, kag people-centered governance.
Sa iya nga speech ginpasalamatan sini ang mga pumuluyo sa ciudad sang Bacolod sa ginhatag nga pagasalig sa iya.
Isa man sa ginpasalamatan sini ang mga empleyado sang ciudad nga padayon nga nagatrabaho para sa ciudad.
Dugang pa sang alkalde nga sang December last year nahatag naman nila ang mga benepisyo sang tanan nga regular employees.
Sa SOCA naghatag man sang update ang alkalde sang mga proyekto sa ciudad kaangay sang Bacolod City Old City Hall renovation; Legislative building, Phase 1 kag Phase 2 DRRMO building.
Samtang ang Bacolod Coliseum naman ang may yara sang 76.5 percent nga completion rate kag natalana nga matapos sa October 2026.
Ang City Health Complex ang natalana nga matapos sa December 2026.
Padayon ang pagtrabaho sang TIEZA sa Bacolod Public Plaza kag fountain sa Bacolod Government Center.
Samtang, gin-athag man sang akalde nga ang isaylo lang nga remains sa Handumanan Public Cemetery ang yara lang sa kilid sang narusdak nga pader nga natalana kay-uhon sang ciudad kag wala na labot ang sa tunga nga bahin.
Sa pihak nga bahin, gin-anunsyar man sang alkalde nga ang P3 million nga budget nga ginpain para sa SOCA sini ang gindonate niya sa mga charities agud madamo ang mabuligan.
Ang SOCA sang alkalde ang gintambungan nanday Congressman Albee Benitez, Vice Mayor Jesus Claudio Puentevella, myembro sang Sangguniang Panlungsod, barangay officials, city department heads, kag iban pa nga stakeholders.
