Ginpauntat sang Commission on Elections ang pagpatigayon sang Automated Counting Machine (ACM) Road Show sa mga lugar nga apektado sang paglupok sang Bulkan Kanlaon.
Sa interview sang Bombo Radyo Bacolod kay Negros Island Region – COMELEC Director Atty. Lionel Marco Castellano, humalin sang natabo ang explosive eruption sang Disyembre 9, gilayon man nga ginkanselar ang pagpatuman sang ACM Road Show sa Canlaon City sa Negros Oriental, La Castellana, La Carlota City kag Bago City.
Sa karun nga ginapanaog na sa kada Barangay ang ACM Road Show agud mafamiliarize sang mga pumuluyo antes paman ang 2025 Midterm Elections.
Una ini nga ginpatigayon sa mga malls, panaog sa mga government offices, mga eskwelahan tubtob nga ginpanaog sa mga Barangay.
Ang ACM Road Show ang magapadayun tubtob sa Enero 30.
Paathag ni Castellano nga sa mga apektado nga areas lamang ang indi makapatigayon sang ACM Road Show, samtang unhampered naman ang sa iban pa nga mga lugar.
