-- ADVERTISEMENT --
Nadul-ong na sa mga Local Government Unit sa probinsya sang Negros Occidental ang mga Automated Counting Machines kag election paraphernalia nga gamiton sa eleksyon.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office (NOCPPO), as of 9:00am kaina sang aga yara na sa 64 percent ang nadeliver nga ACMs apang ini ang nadugangan pa samtang padayon ang pagdeliver subong nga hapon.
Suno diri, makumpeto dul-ong ang tanan nga ACMs sa Mayo 11 santo sa schedule sang Local Treasury nga amo ang mabaton sini.
Gin-umpisahan alas- 5:00 kaina sang kaagahon ang pagdeliver sang ACMs kaupod ang mga kapulisan nga nagsecure sa byahe.
