Para sa Alliance of Concerned Teachers – Negros Island Region (ACT-NIR) may yara sang bentaha kag disbentaha sa plano nga pag-implementar sang trimester system para sa school year 2026-2027.
Sa interview sang Bombo Radyo Bacolod kay ACT-NIR Secretary General Grace Abellar, ang bentaha diri amo nga mahatagan sang husto nga oras ang manunudlo para magpreparar sang ila reports, grades, checking sang tests, recording, parents meeting kag iban pa.
Suno diri, makafocus gid ang manunudlo sa iya trabaho indi kaangay sa karun nga samtang nagaklase ang manunudlo, nagasuma man ini sang grado.
Samtang, suno kay Abellar, ang disbentaha naman diri amo nga wala nasolbar ang matood nga ugat sang problema.
Para sa iya indi man school calendar ang problema apang ang kakukalangan sang classroom kun sa diin nagaginutok ang mga estudyante sa sulod sang kwarto; kakulangan sang textbooks nga kun may yara man, ini ang indi supesyente kag epektibo nga makakuha sang kaalam ang bata; kag ang kakulangan sa non teaching personnel.
Dugang pa sini, ang pagshift sa trimester system kinahanglan pa sang adjustment para sa manunudlo kag estudyante kag kun kaisa dugang pa ini gasto bangod may trainings pa kag orientation nga patigayonon.
Pahayag ni Abellar, kaangay nga experimental lang ang ginahimo amo nga mas maayo kun tani nga may pilot testing antes ang implementasyon.
