Indi pabor ang Alliance of Concerned Teachers – Negros Island Region Union (ACT-NIR) Union nga panubuoan ang edad sang criminal liability sa Pilipinas.
Sa interview sang Bombo Radyo kay ACT NIR Union Secretary General Grace Abellar, ginpanindugan sini nga “children were not born to be monsters” kag ang mga kabataan ang wala gintawo agud magkomiter sang krimen bangud lang sa ila paminsaron kag luyag nila.
Suno kay Abellar, gintawag nga menor de edad ang mga kabataan bangud indi pa fully developed ang ila nga utok.
Ginalantaw sini nga solusyon amo ang sulbaron anay ang ugat kun ngaa nangin bayolente ang bata.
Suno diri, ang mga nagapang-bully ang nakaeksperyensya sang bayolente kag ang iban ang nakuha man kun makita nila ang mga indi maayu nga binunahatan sa ila palibot.
Lakip na diri ang paggamit sang soical media kun sa diin mabasahan ukon makit-an nila ang mga bayolente.
Wala nagapati si Abellar nga ang pagpanubo sang edad sang criminal liability, matapna ukon masulbar ang krimen nga mahimo sang mga kabataan.
Bangud suno diri, ang mga kabataan ang may putoro kun matudluan sila kag magiyahan sang insakto kag sila ang mahimo pa mangin maayu nga tawo sa palaabuton.
Pahayag sini ang mga kabataan ang nagakinahanglan sang pag-intindi, pagpapalangga kag ipakita sa ila nga sila ang may tsansa pa nga magbag-o.Samtang, suportado sang Alliance of Concerned Teachers – Negros Island Region Union ang pagdumili sa paggamit sang 16 anyos panaog sa paggamit sang social media, apang aminado ini nga wala sila makahibalo kun paano ini ipatuman.
Sa interview sang Bombo Radyo Bacolod kay ACT NIR Secretary General Grace Abellar, may kabudlayan man sa pagpatuman sa pagban bangod madamo sang kabataan nga ginadaya lamang ang edad sa social media.
Panugyan sini nga mas maayo kun makahuman sang layi nga magadumili sa pamilya sa paghatag sang cellphone sa mga kabataan.
Nagapati ini nga indi makaguba sa bwas damlag sang kabataan kun sila ang indi mag-engage sa social media.
Panindugan ni Abellar nga ang social media ang nagaguba lamang sa paminsaron sang mga kabataan.
