Ginpahayag sang Alliance of Concerned Teacher’s (ACT) Partylist nga indi na ini makibot kun may impeachment complaint nga ifile batok sa duha ka matag-as nga opisyales sa Pilipinas.
Sa interview sang Bombo Radyo Bacolod kay ACT Partylist Representative Atty Antonio Tinio, nagahulat pa sila sang desisyon sa Korte Suprema sa motion for reconsideration sa impeachment case ni Vice President Sara Duterte kag kun wala na sang problema, maproceed na sa impechment trial kag wala na sang kinahanglan pa nga revision.
Suno diri, wala sang pagbag-o sa main content sa impeachment complaint batok sa bise presidente may kaangtanan sa confidential funds bangod dako ang ebidensya nga ginkurakot sini ang kwarta kag may pameke sa report sang Commission on Audit.
Suno kay Tinio, sa Pebrero 6 ma-lapse na ang one year ban sa pag-initiate sang impeachment complaint kag posible maumpisa na ang impeachment proceedings batok kay Duterte.
Samtang, wala naman ini nakibot nga may plano man nga ipasa nga impeachment complaint batok kay President Ferdinand Marcos jr bangod sa issue sa flood control projects.
Pahayag ni Tinio, ang duha ka main player sa flood control issue nga sanday anay Ako Bicol Partylist Rep. Zaldy Co kag Former Department of Public Works and Highways (DPWH) Secretary Manuel Bonoan na msmo ang nagtudlo kay Marcos nga may kaangtanan sa budget insertions kag kickbacks.
