Nagalaom ang Alliance of Concerned Teachers (ACT) Partylist nga mapanindugan ni Senator Juan Edgardo ‘Sonny’ Angara sa pagpungko bilang tiglikom sa Department of Education (DepEd) ang mga resolusyon sini nga nagapabor sa mga manunudlo.
Sa interview sang Bombo Radyo Bacolod kay House Minority Leader kag ACT Partylist Representative France Castro, apisar nga ekis sa ila nga criteria tuhoy sa pagpamalabag sang politiko nilang education secretary, aminado ang mga ini nga may positibo man aspeto kay Angara.
Suno diri, si Angara ang nagpropose sang Salary increase nga Grade 19 nga alligned gid sa ila panawagan nga pasakaon sa P50,000 ang sweldo sang mga manunudlo kada bulan kasubong man iban pa nga mga dugang nga benepisyo para sa mga manunudlo.
Apisar nga indi educator kaangay sa ila panawagan, ginalantaw sang Kongresista nga magamit ni Angara ang iya nga ihibalo sa Senado ilabi na nga ini ang miyembro man sang Second Congressional Commission on Education (EDCOM 2).
Nagalaom ini nga santo sa research sang edcom, mahatagan sang bag-o nga DepEd Secretary sang solusyon ang eduation crisis sa Pilipinas.
Ginapangabay man ni Castro nga magpabilin ang attitude ni Angara sa Senado nga nagakonsulta sa mga manunudlo kag stakeholder kaangay sa ACT agud mas mahibaluan ang sitwasyon kag problema sa idalum.
Ginalantaw man sini nga magamit ang ihibalo ni Angara bilang chairman sa Finance Committee sa maayo nga pagmanage kag pagpasaka sang budget sang DepEd.
Suno kay Castro 6 porsyento sang Gross Domestic Product (DGP) ang worldwide standard para sa education sector, apang sa Pilipinas wala pa magdangat sa 5 porysento.
Apang aminado man ini nga si Angara ang isa sa mga author sang K-12 program nga ila gid ginpamalabagan, kag ini ang nagpahayag man nga ipadayun ang programa ni Vice President Sara Duterte, nga suno kay Castro wala man sang signipikante nga hinimuan.
Hatagan man nila sang tyansa ang mamalidha nga mapamatud-an ang kaugalingon sa sulod sang isa ka tuig kun sa diin ginalauman nila nga ma-imprubar ang kalidad sang edukasyon.
