Ginpahayag ni Alliance of Concerned Teachers (ACT) Partylist Representative France Castro nga mga manunudlo gihapon ang nagapanguna nga rasun sini sa pagsulod sa Senado.
Kadungan sa World Teachers’ Day program sa Bacolod City, si Castro ang nagserbe nga keynote speaker, nga nagpatpat sang mga achievements sang ACT Partylist sa nakaligad nga tatlo ka tuig.
Para kay Castro, isa sa pinakadako nga achievement nila amo ang pagpasar sa pagpasaka sang Teaching Supplies Allowance sa P10,000.
Sa karun, yara sa P7,200 ang Teaching Supplies Allowance, kag mapatuman ang pagbag-o sa masunod nga tuig.
Suno kay Castro, last term na sini sa Kongreso, kag agud mapadayun ang na-umpisahan nga lihok para sa ikaayo sang mga manunudlo, siya ang magapapili sa pagka-Senador.
Paagi sa ACT Partylist, gintinguhaan man nila nga mahatagan sang tingog ang mga manunudlo sa policy making sang Department of Education (DepEd).
Panindugan sini nga padayun niya nga ipakigbato ang pagpasaka sang entry-level salary sang mga Public School Teachers sa P50,000.
Suno kay Castro, 11 sila gikan sa Makabayan bloc ang magapapili sa Senatorial position dala ang lainlain nga sektor.
Mangin adbokasiya sini gihapon ang pagpadayun sang mga hagna para sa dekalidad nga edukasyon kasubong man ang good governance kun sa diin bilang Senador, tinguhaan sini nga ma-abolish ang confidential funds kasubong man mahimuan sang layi nga magarequire sa mga department heads sa pagsabat sa mga pamangkot sa budget hearing.
