Ginpasalamatan sang nagapungko bilang alkalde sang ciudad sang Bacolod ang tanan nga nagbulig kag nagsuporta agud matigayon ang opisyal nga pagpresentar sang mga kandidata sang Miss Bacolod Masskara 2024.
Ang sashing kag press presentation ang ginpatigayon kahapon sa SM City Bacolod.
Sa mensahe ni Bacolod City Councilor Thaddy Sayson, nakahibalo ini nga ang tanan ang naimpress sa kaanyag sang mga kandidata.
Kadungan sini ginpasalamatan niya ang Bacolod Yuhum Foundation, mga Barangay Officials nga nagasuporta sa mga aktibidades sang Masskara kag isa na diri ang Miss Bacolod Masskara 2024, sponsors kag ang katapo sang media nga wala gid nagakataka sa pagsuporta sa Bacolod Masskara Festival kada tuig.
Wala pa makabalik sa ciudad sang Bacolod ang alkalde kaupod ang iban nga opisyales sang ciudad matapos nga nagpadulong ang mga ini sa Turin, Italy.
Suno kay Sayson ang alkalde ang nagpadulong sa nasambit nga pungsod agud nga ipromote man ang Slow Food Festival sa ciudad sang Bacolod kasubong man sa Negros Occidental.
Suno pa diri, sa madason nga tuig ginatinguhaan nga maghost sang Slow Food World.
