Nagbaton sang medalya ang aktor nga si Gerald Anderson para sa heroic act sini sa pagbulig sa mga biktima sang Typhoon Carina.
Suno kay Philippine Coast Guard (PCG) Spokesperson Rear Admiral Armando Balilo, ginhatagan sang “Search and Rescue Medal” si Auxiliary Commander Anderson.
Suno diri, nangin aktibo nga partner sang Command si Anderson ilabi na sa humanitarian and disaster response operations.
Dugang pa sini, yara si Anderson sa Coast Guard’s relief operations and disaster rehabilitation kag padayon ang pagbulig sini sa mga Aeta sa Zambales kag sa mga pumuluyo sang Marawi kasubong man nga nagdonar ini sang medical supplies kag tents sang pandemic.
Kaupod ni Auxiliary CDR Anderson ang nobya sin nga si Auxiliary Ensign Julia Barretto sa pagdonate sang bags nga may unod nga school supplies para sa mga kabataan sang Pag-Asa Island.
Samtang, gindayaw man ni Senator Robinhood Padilla ang willingness ni Anderson nga magbulig sa iban kag nangin inspirasyon sa Pilipino.
