Actor nga si Niño Mulach, nagpangayo sang pagpangamuyo agud malampuwasan ang pagpanghangkat nga nag-abot sa ila kabuhi

Nagpangayo sang pagpangamuyo kag suporta ang aktor nga si Niño Muhlach sa pagpanghangkat nga gina-atubang sang ila pamilya.

Suno kay Niño dako ang nangin epekto sa ila pamilya ang natabo nga gina-alegar ginmolestyahan ang bata sini nga si Sandro Muhlach.

Suno diri, nagapangayo ini sang suporta kag pagpangamuyo samtang sila nagapabakod nga mahatagan sang hustisya ang natabo sa iya nga bata.

Kasubong man nga ginpasalamatan sini ang tanan nga nagsuporta sa ila.

Sang Biyernes, pormal nga nagfile sang sexual molestation complaint si Niño kag si Sandro sa National Bureau of Investigation batok kay Jojo Nones kag Richard Cruz.

Ang duha ka independent contractors sang GMA Network ang gin-akusahan nga nagmolestya kay Sandro.