Adele, magapahuway sang malawig matapos ang iya concert sa Las Vegas sa Nobyembre

Gin-anunsyar sang singer nga si Adele nga siya ang magapahuway anay pagkatapos sang iya nga concert sa Nobyembre.

Ang announcement ang ginpatigayon sang Grammy-winner sa concert sini sa Munich, Germany.

Suno kay Adelle sa tion nga matapos sini ang iya nga mga shows sa Las Vegas sa bulan nga Nobyembre, siya ang magapuhay sang malawig.

Suno diri, luyag sini nga mangabuhi sang normal.

Wala man sini ginhambal kun tubtob san-o ini magapahuway.

Madumduman nga sang 2019, gin-anunsyar ang pagbulagay nila sang iya nga nobyo nga si Simon Konecki, kun sa diin sila ang may isa ka bata.

Samtang nangin topiko naman ang bag-o nga karelasyon ni Adele nga si Rich Paul humalin sadtong 2021.