Nagpadulong ang administrator sang National Electrification Administration (NEA) sa main office sang Negros Occidental Electric Cooperative (NOCECO) sa ciudad sang Kabankalan agud nga iserbe ang suspension order batok sa OIC general manager nga si Engineer Ray Bustamante bangud sa indi insakto ang proseso sa pag-appoint diri.
Kaupod sang administrator sang National Electrification Administration (NEA) nga si Antonio Mariano Almeda sa pagpadulong sa opisina sang NOCECO si Negros Occidental Vice Governor Jeffrey Ferrer apang wala sila nakasulod gilayon bangud nakalock ang opisina gani nagrequest sang police assistance ang administrator sang National Electrification Administration (NEA) agud pwersahon nalang ang pagsulod sa nasambit nga opisina.
Gingamitan sang cutter ang padlock sang gate agud nga mabuksan kag makasulod ang mga ini.
Sa interview sang Bombo Radyo Bacolod kay NEA Administrator Antonio Mariano Almeda, nagpadulong lamang sila sa nasambit nga opisina agud nga iserbe ang suspension order ni NOCECO OIC general manager nga si Engineer Ray Bustamante.
Suno kay Almeda, si Bustamante ang gin-appoint direkta sang Board of Directors sang NOCECO bilang OIC General Manager apang wala nag-agi proseso nga nasanto sa RA 10531 ukon “National Electrification Administration Reform Act of 2013,.
Ginpahayag man ni Almeda nga dagdagan man sang preventive suspension ang board directors sang nasambit nga kooperatiba.
Nagpatigayon man si Almeda sang meeting sa opisina sang NOCECO kag nag-appoint sang bag-o nga officer-in-charge bangud wala sang nagapungko nga officer-in-charge sa karun ang nasambit nga electric cooperative.
Igapoint bilang officer-in-charge sa karun amo si Domingo Santiago.
Pagaislan man si Domingo sa tion nga may yara na sang maaprubahan nga magapungko bilang OIC general manager santo sa proseso nga nakasaad sang RA 10531 ukon “National Electrification Administration Reform Act of 2013.
