Ginkwestyon sang defense panel ni Vice President Sara Duterte ang admissibility sang ebidensya nga ginpresentar sang prosekusyon sa iya impeachment trial, nga nagpahayag nga ang mga dokumento ang wala ginsambit sa Articles of Impeachment ukon ginlakip sa original complaints.
Ginpahayag sang depensa nga inadmissible ang mga Statement of Assets, Liabilities and Net Worth (SALNs) nga nakuha sa Office of the Ombudsman bangud indi ini kabahin ukon nakalakip sa impeachment complaints nga ginpasaka sa House of Representatives.
Ang komento ginsumiter kag nabaton sang Oktubre 20 sa diin ginahangkat sang depensa ang admissibility sang ebidensya nga ginpresentar may kaangtanan sa Article II, ang nagaisahanon nga nabilin nga artikulo sa impeachment trial, ukon ang gina-alegar unexplained wealth ni Duterte.
Sa idalom sang impeachment rules, may napulo ka adlaw ang prosekusyon agud magsabat sa komento sang depensa.
