Mas ginpalapad pa sang Israel ang aerial bombardment sa mga targets sini sa Lebanon kag gin-igo ang mga areas lunsay sa sulod kag sagwa sang traditional Hezbollah bastions samtang nagapakig-away ang tropa sini sa mga militante sa border kahapon.
Sa mga areas kun sa diin nahamtang ang Hezbollah, naigo sang mga Israeli warplanes ang isa ka marketplace sa sur nga ciudad sang Nabatiyeh sang Sabado kag ang 100 ka tuig nga mosque sa isa ka village malapit sa border sang Domingo suno sa official National News Agency (NNA) sang Lebanon.
May yara man sang makamamatay nga mga strikes sa iban nga areas sang Lebanon, isa sa Shiite Muslim village sa nabukid nga bahin sang north Lebanon.
Suno sa health ministry sang pungsod, ang strikes sa tatlo ka mga villages sang Sabado ang gintunaan sang kamatayon sang 15 ka mga persona.
