Nagpabutyag sang suporta ang Chief of Staff sang Armed Forces of the Philippines sa mga suldado sang 79th Infantry Battalion sang Philippine Army.
Sa pahayag ni General Romeo Brawner sang ini ang nagbisita sa 79th Infantry Battalion sang Philippine Army, nagpadulong ini sa headquarters sang 79th Infantry Battalion agud nga ipakita ang suporta nila sa mga kasuldaduhan.
Suno kay Brawner madamo na sila sang may nakita sa social media nga mga fake news gani panugyan sini nga indi dapat magpa-apekto bangud nakahibalo sila kun ano ang matuod.
Siya mismo kag ang iya asawa ang mga estudyante sa University of the Philippines sa Baguio kag high school pa lamang sila gina-recruite na sila sang NPA.
Suno diri may mga seniors sila nga nagsaka sa bukid ang iban nagbalik kag nag-upod sa mainstream society kag naeliher bilang opisyal kag sa karun produktibo na nga kabahin sang sosyodad samtang ang iban ang napatay.
Ginpahayag man sini nga ang nagakatabo nga may ginarecruite kag nagaupod sa New People’s Army ang indi na bag-o bangud madugay na ini nagakatabo.
Sa pagkamatuod madamo na sang mga estudyante ang napatay sa engkwentro indi lang sa Negros kundi sa bug os nga pungsod.
Ini ang mga estudyante sang UST, TUP, UP kag madamo pa nga mga eskwelahan.
Suno sa Chief of Staff nga indi magkabalaka ang mga suldado bangud bisan nga maimbestiga ang Commission on Human Rights, Kongreso kag Senado yara sila nga magasuporta sa mga ini.
