Nagpanindugan ang Armed Forces of the Philippines nga lehitimo ang ginpatigayon nga engkwentro sa barangay Salamanca, sa banwa sang Toboso sang Abril 19.
Suno kay AFP Chief of Staff Gen. Romeo Brawner, ginakasubo sini ang pagkapatay sang 19 ka miyembro sang New Peoples Army bangod sila ang Pilipino man.
Suno diri, masubo ang natabo nga sa Pilipinas nagakontra ang Pilipino batok sa Pilipino man apang sa reyalidad ang mga suldado nagahimo lamang sang ila trabaho.
Suno kay Brawner humalin pa sang tuig 2009 nga may ginapayay nga sibilyan ang NPA kag sang tinalikdan lang nagdangat na sa masobra 36 ka inosente nga sibilyan ang napatay sang NPA sa northern Negros samtang 28 naman ang ila napatay sa southern Negros kag ini tanan gin-ako nila mismo nga sila ang may kahimoan.
Iya ginakalipay nga nanugid ang mga pumuluyo sa suldado amo nga nahibalian ang ila lokasyon.
Dugang pa ni Brawner, iya ginasaligan ang report nga ang tanan nga napatay lunsay mga armado kag ginpresentar pa kahapon ang mga armas nga narekober sa mga napatay nga NPA.
