Nagpanugyan ang Armed Forces of the Philippines sa mga Filipino nga gamiton ang ila mga social media accounts agud batuan ang paglapta sang peke nga mga impormasyon natuhoy sa West Philippine Sea.
Suno kay AFP Spokesperson Colonel Francel Margareth Padilla, ang ila panawagan amu nga makabulig ang kada Filipino nga ipalapnag sa kalibutan ang kamatuoran natuhoy sa mga issues sa West Philippine Sean.
Sa idalum sang Communication Plan Mulat (Awakened) for the West Philippine Sea sang ahensya, tinutuyo sang AFP nga mapasanyog ang transparency, macounter ang disinformation kag mapasanyog ang public awareness natuhoy sa kinamatarong kag interest sang Pilipinas sa rehiyon.
Suno kay Padilla, ang Complan Mulat ang ginalakipan sang transparency initiative sang AFP sa mga news organization.
Una na nga ginpahayag sang AFP nga madamo ang nagalapta sa karun nga mga fake news nga nagatuga sang kahadlok sa publiko.
