Ginpahayag sang Malacañang nga nagatuga sang kahangawa ang nagapadayon nga presensya sang monster ship sang China.
Suno kay Executive Secretary Lucas Bersamin, ila ginalantaw ang ini nga butang nga may concern kag sa karun, ila ginahangkat ang presensya sang nasambit nga monster ship.
Suno kay Executive Secretary Lucas Bersamin, tuman ka alerto ang Coast Guard matapos ang presensya sang nasambit nga monster ship, nga nagatuhaw sa sulod sang Exclusive Economic Zone.
Apisar nga wala nag-escalate ang nasambit nga issue sa maskin ano nga confrontational incidents, ginpahayag ni Bersamin nga ang sitwasyon ang nagarequire sang padayon nga vigilance.
Suno kay Bersamin, nagapadayon ang Pilipinas sa diplomatic approach sini sa pagresolba sang nagapadayon nga maritime row kaupod ang China lakip na ang pagfile sang mga protests kag pag-engage sa Chinese government sa high level talks.
Gin-athag naman sang Armed Forces of the Philippines (AFP) nga indi ini mag-untat sa pag-ubra sang mandato sini sa pagpatrol sa mga kadagatan kag kahawaan apisar sang presensya sang China Coast Guard (CCG) vessel 5901 sa sulod sang exclusive economic zone (EEZ) sang pungsod.
Apisar nga nagpabutyag sang kahangawa si Philippine Navy spokesperson for the West Philippine Sea Rear Admiral Roy Vincent Trinidad natuhoy sa presensya sang monster ship ukon maskin ano nga foreign vessel sa kadagatan sang Pilipinas, gin-affirm man sini ang commitment sang pungsod nga ma-intensify ang presensya sini sa West Philippine Sea.
Suno kay Trinidad, ang maskin ano nga intrusion, maskin isa lamang ka barko, ang makabig nga concern sa AFP.
Sila ang nagacoordinate sa PCG, BFAR kag maritime police kag iban pa nga mga ahensya sang gobyerno agud ini ang ma-address.
