AFP, nanindugan nga wala sang paglapas sa human rights sa engkwentro sa Toboso

Nanindugan ang Armed Forces of the Philippines (AFP) nga wala sang paglapas sa human rights ang natabo nga engkwentro sa mga ginaalegar katapo sang New People’s Army (NPA) sa Toboso, Negros Occidental.

Suno kay Army Spokesperson Col. Louie Dema-ala, nakita nga naga-uyat sang armas ang 19 tanan ka napatay.

Lakip sa napatay ang student leader, researchers, kag manunudlo, lunsay may mga armas nga ginauyatan.

Ginberipika man sang AFP ang identity sang mga napatay kag ginpasiguro man sang militar sang pungsod ang seguridad sa lugar.