Mahimo nga madulaan sang ila monthly pension ang retired military officials kag personnel bangud sa pagpalapta sang fake news nga may kahilabtanan sa militar kag nagahimo sang mga pahayag nga naga-enganyo sang sedition.
Sa isa ka news forum, ginpahayag ni Armed Forces of the Philippines (AFP) spokesperson Col. Francel Margareth Padilla nga gina-review sang AFP ang military pension system kag ang posibilidad sang pagpaidalom sa trial sa idalom sang court martial sa tunga sang mga report nga may pila ka mga retired officers nga nagpanawagan sa militar nga mag-withdraw sang suporta kay President Ferdinand Marcos Jr.
Suno diri ang seditious statements kag ang pagpalapta sang fake news ang may nagakaigo nga legal consequences.
Una na nga gin-ako ni AFP chief-of-staff General Romeo Brawner Jr. nga may pila ka retired officers nga nagpanawagan sang pagbawi sang suporta batuk kay Marcos sa tunga sang pagprotesta sang publiko may kaangtanan sa flood control anomalies.
Una na nga ginpanginwala sang Department of National Defense (DND) ang mga huring-huring sang gina-alegar coup plot sang military batuk sa Marcos administration.
Base sa report, nagpakigkita ang Association of Generals and Flag Officers (AGFO), upod sa iban nga grupo, kay Marcos sang nagligad nga Septyembre 19, pila ka adlaw antes ang anti-corruption protests sang Septyembre 21.
