Matapos ang isa ka dekada nga pagpanago, maga-upod na sa prisuhan ang mag-utod nga wanted sa kaso nga murder kag nalakip sa top 10 most wanted persons sang ciudad sang Sipalay.
Ini matapos nadakpan ang isa pa sa duha ka mga suspetsado sa Purok Balatong, Brgy. Gil Montilla kahapon.
Wala na nakapalagyo pa ang suspetsado nga si James Vidal, 30-anyos sang Purok Riverside, Brgy. Camindangan sang ginserbehan sang mandamiento de aresto.
Samtang nagligad nga semana, una na nga nadakpan ang iya utod nga si Eugene.
Si James ang number 4 samtang number 3 naman si Euegne sa Top 10 most wanted persons sang Sipalay City Police Stations.
Mayo 5, 2009 pa sang gin-issue ni The late Honorable Judge Henry Arles sang Regional Trial Court (RTC) Branch 61 sa ciudad sang Kabankalan ang mandamiento de aresto para sa mag-utod nga Vidal.
