Makaligad ang masobra apat ka adlaw nga ini ang namissing, nasapwan nga patay ang isa ka transgender ukon agi sa kahilamunan sa Purok Lirio Dos, Brgy. Taculing, syudad sang Bacolod, Martes sang aga.
Ang biktima nga si Arjay Espinase sang Sitio Sibucao, Brgy. Banago ang nagbiya sa ila nga balay sang Biyernes kag kaupod sini ang iya nga mga abyan.
Sa interview sa abyan ni Espinase nga si Daniel Abadilla sang Brgy. Tangub, gindul-ong nila ang biktima sa bangga Forest Park sang Biyernes sang gab-i bangud may tabuon ini nga lalaki sa lugar.
Suno kay Abadilla, chatmate ni Espinase nga si John Carlo ang iya nga tabuon apang wala na ini nakapauli tubtob mag-aga.
Kaina sang aga, natingala ang mga residente sa Purok Lirio Dos sa tuman ka baho nga huyop sang hangin.
Sang ginpadulungan ang kahilamunan, nakit-an ang bangkay ni Espinase nga nagakaagnas na.
Ini ang nagakaya, intact paman ang iya nga panapton apang yara na ini sa advanced state of decomposition.
Bangud sini, nagtawag sang mga pulis ang mga residente.
Suno sa commander sang Police Station 6 nga si Police Captain Elmer Bonilla, ipaidalum sa autopsy examination ang bangkay ni Espinase agud matumod kun sa diin ang iya mga pilas.
Sa karun, wala pa sang suspetsado sa krimen.
