Patay ang isa ka Grade 11 student samtang pilason naman ang pareho sini nga estudyante sang magsuhot sa idalom sang nakaparada nga truck ang ila ginasakyan nga motorsiklo sa ciudad sang Victorias.
Nagtambong sang birthday party sa Brgy. 5 nagligad nga Noviembre 28 sang gab-i ang napatay nga si Rey Vincent Villanueva, 18-anyos, sang Hacienda Luna, Brgy. 14 kag ang pilason nga si Genesis Barreto, 18, kag Grade 12 student, kag papauli na ang mga ini alas-2:00 sang kaagahon sang Noviembre 29 sang nagluntad ang aksidente.
Lunsay estudyante ang duha sang Victorias National High School.
Dead on-arrival sa Ikaayaong Lawas Medical Foundation Clinic sa Victorias si Villanueva samtang ginabulong naman karun sa isa ka hospital sa ciudad sang Bacolod si Barreto.
